خلصت الأعياد وخلصت الاجازة والشلة كلها
رجعت للجامعة تاني .. حتى عايشة رجعت الهند ... وكل واحد منهم واخد قرار...
***
تاتلي قررت انها تتغير وتحاول تكون فرفوشة
شوية ... وأول حاجة عملتها انها قررت تخرج مع أنور ويروحوا أي مكان يسهروا فيه
للصبح ..
(حوار بالتركي)
تاتلي: تحب نروح فين؟
أنور: المكان اللي يعجبك
تاتلي: تحب نروح نتزحلق ع التلج؟
أنور: انتي متأكدة؟
تاتلي: اه طبعا
أنور: مش خايفة تتزحلقي؟
تاتلي: لا ... احنا الاتنين هنقع سوا
وفعلا اخر الليل لما روحوا أنور اخد قرار
انه يدي تاتلي فرصة جديدة .. بعد ما كان بيفكر يسيبها
***
راهول بقا اول مرة ياخد قرار لوحده .. وطلب
علا على الموبايل
(مكالمة بالانجليزي)
راهول: تحبي نخرج؟
علا: نروح فين؟
راهول: عايز افرجك على حاجة
وفعلا راهول وعلا نزلوا .. ووقفوا عند اول
محل الماظ وبصوا ع الفاترينة
(حوار بالانجليزي)
راهول: ايه رأيك؟
علا: في ايه؟
راهول: في تسريحة شعري .. اكيد يعني بقول
لك ع الخواتم
علا: تقصد......؟
راهول: ها؟ ايه رأيك؟
علا المرة دي هي اللي خدت القرار
علا: خلينا نصبر شوية .. انا لسة محتاجة
شوية وقت
راهول زعل طبعا وبان على وشه الزعل
علا: ارجوك ما تزعلش مني .. بس بجد انا
محتاجة شوية وقت
راهول باس ايدها
راهول: ما تقلقيش .. انا مش هخطبك الا اما
تكوني انتي كمان عايزة كده واكتر مني كمان
وابتسمت علا
***
اما بقا بطلتنا سالي قررت انها تحاول تنسى
عماد .. وأول حاجة فكرت فيها انها تعمل حاجة جديدة ... فراحت لزميلهم التركي رجب
وخبطت على باب الاوضة
(حوار بالتركي)
سالي: سلام .. ازيك؟
رجب: انا كويس .. انتي عاملة ايه؟
سالي: انا عايزة اسألك سؤال
رجب: اسألي طبعا
سالي: انتوا مش عايزين حد جديد في فريق
الكورال؟
***
عماد بقا قرر انه هيتقل على سالي .. ومش
هيوريها ابدا أنه بيحبها .. وهيفضل على طول يغيظ فيها ويحاول يخليها تغير عشان هي
اللي تقول له انها بتحبه
***
كده فاضل اميلي ..
(مكالمة بالانجليزي)
جاك: وحشتيني جدا
اميلي: وانت كمان ... على فكرة بابا وماما
حبوك قوي
جاك: وانا كمان حبيتهم جدا .. ونفسي اسعد بنتهم
اميلي: طب هتعمل ايه عشان تسعد بنتهم؟
جاك: هطلب منها نعيش مع بعض .. ايه رأيك؟
اميلي: اكيد موافقة طبعا
***
تاني يوم سالي قررت انها مش هتضيع وقت ..
وفعلا بعد المحاضرات راحت على المسرح على طول عشان تبدأ البروفات ... ومن غير ما
تقول لحد
***
بعد المغرب تقريبا علا بدأت تقلق ان سالي
ما راحتش السكن .. وكلمت البنات والولاد وكلهم قالوا ما نعرفش أي حاجة .. وبعد نص
ساعة سالي رجعت
علا: كنتي فين؟
سالي: كنت في الجامعة
علا: كنتي بتعملي ايه كل ده؟ قلقتيني
عليكي
وقبل ما سالي تنطق بكلمة الباب خبط ..
ولما علا فتحت لقت تاتلي واميلي
(حوار بالانجليزي)
اميلي: كنتي فين يا سالي؟
سالي: كنت في الجامعة والله
وبرضه في اللحظة دي الباب خبط .. والمرة
دي كانوا الولاد هم اللي ع الباب
أنور: اميلي كانت عايزانا نتقابل هنا
اميلي: تعالوا .. ادخلوا
وبعد ما الولاد دخلوا
أميلي: عندي ليكم خبر هيفرحكم .. انا هعيش
مع جاك
كلهم بدأوا يهيصوا ويباركوا لاميلي ..
وسالي زغرطت ... بس في نفس اللحظة راهول كان من جواه زعلان ان علا مش عايزة تتخطب
له .. وأنور من جواه حس بخوف انه هيكمل مع تاتلي .. وتاتلي كانت فرحانة انها هتكمل
مع أنور .. وسالي وعماد كل واحد منهم زعلان انه بعيد عن التاني
***
بعد كام يوم الشلة كلها اتقابلت في
الكافيتريا عشان الغدا .. وسالي ساعتها قالت لهم انها عايزاهم يقابلوها في المسرح
بعد المحاضرات
***
وبعد المحاضرات سالي سبقت ع المسرح وكلهم
حصلوها وكلهم اتفاجئوا بيها وهي واقفة ع المسرح بتستعد انها تعمل بروفة وتغني ..
وفعلا بدأت تغني اغنية تركية أنور وتاتلي كانوا عارفينها .. وعماد كمان .. الأغنية
كان اسمها korkak
(ومعناها جبان) ....
عماد سمع الاغنية واتأثر بيها جدا وعيونه
دمعت غصب عنه .. وخرج من المسرح .. أنور كمان سمعها وحس قدام نفسه انه جبان عشان
يكمل في علاقة هو مش مرتاح فيها
بعد سالي ما خلصت الاغنية ... رمت
الميكروفون وخرجت .. لقت عماد مفطور من العياط جنب باب المسرح .. وساعتها هي ما
فهمتش هو بيعيط ليه ... اول ما حس بايدها بتطبطب عليه حضنها ..
عماد: انا لسة بحبك .. والله العظيم لسة
بحبك .. ومن ساعة ما شوفتك هنا وانا هموت واخدك في حضني لانك واحشاني قوي ... قوي
... قوي .. وانا فعلا جبان اني ما قلتلكيش .. بس انا والله العظيم بحبك
سالي حضنته لثانية .. بس رجعت خطوة لورا
لانها استغربت
سالي: ثانية .. اشمعنا دلوقتي بالذات اللي
اتكلمت؟
عماد (بالتركي): بصراحة .. انا كمان بعرف
تركي
سالي (وهي ماسكة في الجاكت وهتتخانق):
ايه؟ يعني انت كل ده كنت بستغفلني؟ يعني انت كنت بتفهم انا وأنور بنقول ايه؟
عماد (وهو بيضحك تحت دموعه): كل كلمة ..
وسمعته كمان وهو بيقول لك اني بحبك
سالي: ده انا هدخل انفخه دلوقتي
ومع لفتها دي عماد مسك ايدها ورجع شدها
جوا حضنه تاني ...
عماد: رايحة فين؟ فكرك انا هسيبك تمشي
تاني؟
سالي ابتسمت لانها اول مرة تحس الإحساس ده
من مده
عماد: حبيبي ... ممكن اطلب منك طلب؟
سالي: انت تؤمر يا قلبي
عماد: ممكن ما تقوليش لحد على اننا رجعنا
لبعض؟
سالي (وهي مستغربة): ليه؟
عماد: بعدين هقول لك
وفعلا الاتنين قرروا مش هيقولوا لحد
***
بالليل بقا اميلي خرجت عشان تقابل جاك ..
وهنا أنور استغل الفرصة وراح الاوضة لتاتلي عشان يتكلموا
(حوار بالتركي)
أنور: فيه موضوع كده كنت عايز أتكلم معاكي
فيه
تاتلي: اتفضل
أنور: انا بصراحة تعبت
تاتلي (وشها اتغير): من ايه؟ مالك؟
أنور: انا من زمان بحلم اتجوز واحدة انطلق
معاها .. احس بحريتي وانا معاها .. اجرب معاها حاجات جديدة .. لكن انتي مكتفاني ..
تاتلي (بدأت تعيط): انا عارفة اني كنت كده
.. بس انا بدأت اتغير
أنور: وهتفضلي تعملي ده لحد امتى؟ .. هتمثلي
وتضحكي على نفسك لحد امتى؟ .. انا عارف انك مش كده .. انتي بتحبي قعدة البيت وبتخرجي
يادوب لما انا اتحايل عليكي .. ومش كل مرة ... انا بحبك .. بس مش قادر استحمل ان
شبابي كل يوم بيروح كده
تاتلي (وهي لسة تعيط): يعني انت كل مشكلتك
الخروج؟
أنور: على فكرة الموضوع بالنسبة لي مش
مجرد خروج وفسح .. دي حياة .. تقدري تقولي لي انتي ايه اللي بنستفيده واحنا قاعدين
في البيت؟ .. انا عايز احس اني عايش .. انا عايز احس اني مش اقل من الناس اللي
بتروح هنا وهنا وانت مكتفاني
تاتلي (برضه بتعيط): طب ايه اللي ممكن
نعمله دلوقتي؟
أنور: انتي مش هتقدري تتغيري .. وانا مش
هقدر استحمل اكتر من كده
تاتلي (وهي بتعيط اكتر): تقصد نسيب بعض؟
أنور (وهو باصص في الأرض): ايوة
تاتلي (بدأت تزعق ودموعها وقفت): انت أصلا
من ساعة ما جيت هنا وانت معجب بسالي ومش بتفارقها لحظة .. وعشان كده عايز تسيبني
أنور: والله العظيم ابدا .. انا عمري ما
فكرت فيها .. والله انا بحبك انتي .. بس صعبان عليا يبقا كل واحد بيفكر في ناحية
تاتلي لسة بتعيط .. أنور خدها في حضنه ..
أنور: طب بلاش نسيب بعض .. ممكن ناخد اجازة
صغيرة؟ .. عشان نفكر .. واوعدك مش هفكر في حد غيرك
وهنا قرر الاتنين ياخدوا إجازة لحد ما
امورهم تتصلح مع بعض وكل واحد يعرف هو عايز ايه بالظبط
***
وفي نفس الوقت في مطبخ المطعم كان عماد
بيطبخ .. كان بيعمل نودلز بالبروكلي .. ومستني سالي .. اول ما دخلت
(حوار بالتركي)
سالي: بتعمل ايه؟
عماد: مستنيكي طبعا
اول ما دخلت اخد منها الجاكت وباس خدها ..
ووصلها لحد مكان الاكل .. ورجع لها الكرسي لورا وقعدها عليه زي ما كان على طول
بيعمل .. ودوقها من الاكل .. عجبها جدا
(حوار بالعربي)
سالي: ايه الدلع ده كله؟ مقدرش انا على
كده
عماد: انا دلوقتي مش عايز حاجة من الدنيا
غير انك تبقي مبسوطة
سالي (بتغيظه): بكاش قوي
عماد: انتي تعرفي عني كده؟
سالي: اه طبعا
عماد انما صحيح ايه حكاية الكورال اللي
اشتركتي فيه ده؟ .. انتي عيارك فلت خلاص ومحدش هيعرف يكلمك
سالي: طب أقول لك على نكتة؟
عماد: ايه؟
سالي: انا أصلا دخلته عشان انساك .. ولسخرية
القدر انه هو اللي رجعنا لبعض
عماد: ده عشان حظي حلو
سالي: ده عشان استغفلتني وما قولتليش انك
بتعرف تركي
عماد: أقول لك انا بقا على نكتة انكت من
نكتتك؟
سالي: خير
عماد: أنور عارف اني بعرف تركي
سالي: بقا كده .. طيييييب ... ده انا
هعلقه من رجليه
عماد (وهو بيضحك): والله ما كان عارف من الأول
.. انا قلت له بعد مده
سالي: بالمناسبة .. انا والعيال بتوع
الكورال هنصور اغنية في الجبل وهنعمل معسكر وكده لمدة يومين .. تيجي معنا؟
عماد: اه طبعا .. انتي هتقولي لباقي
اصحابنا؟
سالي: اكيد
ليست هناك تعليقات:
إرسال تعليق